දිගුකාලීන විසඳුම සමාජවාදය පමණයි – ජාතික ජන බලවේගය
ශ්‍රී ලංකාව වැනි රටවල දිගුකාලීන සමාජ ආර්ථික සංවර්ධනය සඳහා විසඳුම් ලබා දෙන්නේ සමාජවාදය මත පදනම් වූ ආර්ථික ප්‍රතිපත්ති පමණක් බව ජනතා විමුක්ති පෙරමුණේ දේශපාලන මණ්ඩල සභික, හිටපු පාර්ලිමේන්තු මන්ත්‍රී බිමල් රත්නායක මහතා පවසයි. ඔහු මේ බව ප්‍රකාශ කරන්නේ ඩේලි මිරර් සමග පැවැති සාකච්ඡාවක දීය.
- අප වැනි රටවල දිගුකාලීන සමාජ-ආර්ථික සංවර්ධනය සඳහා විසඳුම් ලබා දෙන්නේ සමාජවාදය මත පදනම් වූ ආර්ථික ප්‍රතිපත්ති පමණයි.
- ශ්‍රී ලංකාව තුළ සමාජවාදය මත පදනම් වූ අපේම ආර්ථික වැඩපිළිවෙළක් සකස් කළ යුතුයි.
- රාජ්‍ය අංශය ආර්ථිකයේ අත්‍යවශ්‍ය අංශවල දැඩි මැදිහත්වීමක් අවශ්‍යයි.
- රජය ප්‍රතිපත්ති සම්පාදනය පමණක් නොව බැංකු, බලශක්ති, රක්‍ෂණ වැනි ප්‍රධාන අංශවලට ද මැදිහත් විය යුතුයි.
- ආණ්ඩු පත් කරන්නේ ජනතාවයි. එතකොට කොහොමද ආණ්ඩුවකට ආර්ථිකය ගැන අයිතියක් නැහැ කියලා කියන්නේ. ආර්ථිකය, අධ්‍යාපනය, ආරක්‍ෂාව, සෞඛ්‍ය සහ අනෙකුත් අංශ හැසිරවීමේ වගකීම ජනතාව රජයට පවරනවා.
- හෙට බලය ගත්තොත් අපි කටයුතු කළ යුතු අංශ පහක් හඳුනාගෙන තියෙනවා.
ප්‍රශ්නය:
ජාතික ජන බලවේගයේ මූලික පක්ෂය වන ජනතා විමුක්ති පෙරමුණ සිය ආර්ථික ප්‍රතිපත්තිය ලෙස සමාජවාදය වෙනුවෙන් පෙනී සිටින පක්ෂයක්. ඔබ තවමත් සමාජවාදය විශ්වාස කරනවාද නැතිනම් සමාජ වෙළෙඳපොළ ආර්ථික ප්‍රතිසංස්කරණ කෙරෙහි විශ්වාස කරනවද?
අප මුහුණ දී සිටින්නේ සුවිශේෂී ආර්ථික අර්බුදයකට. පවතින අගාධයෙන් රට පණ ගැන්වීමට සහ අවම වශයෙන් 2019 ට පෙර පැවති මට්ටමින් ආර්ථිකය යථා තත්ත්වයට පත් කිරීමට අපි අපගේ සැලසුම් සකස් කර තිබෙනවා. වත්මන් අර්බුදයට කඩිනම් පිළියම් අප හඳුනාගෙන තිබෙනවා. දිගුකාලීනව රට සංවර්ධනය කිරීම සඳහා සමාජවාදී ආර්ථික ආකෘතියක් කෙරෙහි අවධානය යොමු කිරීම සිදු කළ යුතු නමුත් කෙටිකාලීන විසඳුම් ලබා දෙන වැඩපිළිවෙලකට අප කටයුතු කළ යුතුයි.
අප වැනි රටවල දිගුකාලීන සමාජ-ආර්ථික සංවර්ධනය සඳහා විසඳුම් ලබා දෙන්නේ සමාජවාදය මත පදනම් වූ ආර්ථික ප්‍රතිපත්ති පමණයි. ශ්‍රී ලංකාව තුළ සමාජවාදය මත පදනම් වූ අපේම ආර්ථික වැඩපිළිවෙළක් සකස් කළ යුතුයි. ඒ කාර්මීකරණය සහ කෘෂිකර්මාන්තය නංවාලීමටයි. එවිට, ආර්ථික ධනය සාධාරණ ලෙස බෙදා හැරීම සහතික කළ යුතුය. එය හුදෙක් ආර්ථික සංවර්ධනයක් පමණක් නොවේ. එය සමාජ හා ආර්ථික සංවර්ධනයක්.
ප්‍රශ්නය:
ඉන්දියාව වෙළෙඳපොළ ආර්ථික ප්‍රතිසංස්කරණ රැසක් හඳුන්වා දෙනවා. සමාජ වෙළෙඳපොළ ආර්ථිකයක් තුළ වෙළඳපොළ බලවේග පවතිනවා. ඔබේ ආර්ථික ආකෘතිය තුළ, වෙළඳපල බලවේග ක්‍රියා කරන්නේ කෙසේද?
ලෝකයේ සෑම තැනකම සමාජ වෙළෙඳපොළ ආර්ථික ආකෘතිය අනුගමනය කරනවා. ඒක අලුත් දෙයක් නොවේ. සමාජ වෙළෙඳපොළ ආර්ථික න්‍යාය කියන්නේ ජර්මානු සමාජ ප්‍රජාතන්ත්‍රවාදී පක්ෂය විසින් එකළ ගෙන ගිය ප්‍රචාරයක් මිස අන් කිසිවක් නොවේ. එය සමාජවාදී ප්‍රතිපත්තිවල සළුපිළි යටකරගෙන ධනවාදය ක්‍රියාත්මක කිරීම සඳහා වූ සොයාගැනීමක්. නොඑසේ නම් සෑම ආර්ථිකයක්ම සමාජ ආකෘතියකි. වෙළෙඳපොළක් නොමැතිව ආර්ථිකයක් නැහැ.
ඉන්දියාවේ ධනවත්ම 1% ධනයෙන් 40% ක් භුක්ති විඳියි. එවැනි අසමානතා ඇති ආර්ථිකයක් සඳහා අපි උත්සාහ කරන්නේ නැහැ. රනිල් වික්‍රමසිංහ, මහින්ද රාජපක්ෂ වැනි නායකයන්ගෙන් අපට උරුම වී තිබෙන්නේ එවැනි විකෘති ආර්ථිකයක්. අපගේ ආදර්ශය තුළ පුද්ගලික අංශය අත්‍යවශ්‍යයි. වියට්නාමය සමාජ, දේශපාලන හා ආර්ථික ක්ෂේත්‍රවල ශීඝ්‍රයෙන් දියුණු වන රටක්. රාජ්‍ය අංශය ආර්ථිකයේ අත්‍යවශ්‍ය අංශවල දැඩි මැදිහත්වීමක් තියෙනවා.
ප්‍රශ්නය:
සමාජ වෙළෙඳපොළ ආර්ථික ආකෘතිය විස්තර කිරීමේදී ජර්මනිය විසින් සඳහන් කරන ලද සුප්‍රසිද්ධ උදාහරණයක් තිබෙනවා. රාජ්‍යයේ කාර්යභාරය පාපන්දු තරගයක විනිසුරුගේ භූමිකාවට සමාන කර තිබෙනවා. ඔබේ පක්ෂය වෙනුවෙන් පෙනී සිටින ආර්ථික ආකෘතිය තුළ රජය ඉටු කරන නිශ්චිත කාර්යභාරය කුමක්ද?
ඒ උදාහරණය හරියන්නෙ නෑ. ඒක රටකට අදාළ ආදර්ශයක් නෙවෙයි. වියට්නාමය කියන්නේ භූගෝලීය විශාලත්වය අතින් අප වැනි රටක්. ඔවුන් ඔවුන්ගේ දේශපාලන, ආර්ථික, සමාජීය සහ පාරිසරික කටයුතු කළමනාකරණය කරන ආකාරය ඔබට දැක ගන්න පුළුවන්. එය අප බලන ආසන්නතම උදාහරණයයි. අපට චීන ආර්ථික මොඩලය දෙස බලන්න බෑ. රජය ප්‍රතිපත්ති සම්පාදනය පමණක් නොව බැංකු, බලශක්ති, රක්‍ෂණ වැනි ප්‍රධාන අංශවලට ද මැදිහත් විය යුතුයි.
ආණ්ඩු පත් කරන්නේ ජනතාවයි. එතකොට කොහොමද ආණ්ඩුවකට ආර්ථිකය ගැන අයිතියක් නැහැ කියලා කියන්නේ. ආර්ථිකය, අධ්‍යාපනය, ආරක්‍ෂාව, සෞඛ්‍ය සහ අනෙකුත් අංශ හැසිරවීමේ වගකීම ජනතාව රජයට පවරනවා. අද ආණ්ඩුව පාලනය කරන්නේ ආයතනික ආයතන අතලොස්සයි.
අර්බුදකාරී තත්ත්වයන් තුළ ඒ සියලු රටවල් බැංකු ජනසතු කළා. ජර්මනියේ, 2008 දී බැංකු කඩා වැටුණු විට, රජය ඔවුන්ට ඇපවුනා. BMW සමාගමට ද ඇප වුනේ එහෙමයි. ඒ කියන්නේ දේශපාලන, ආර්ථික සහ සමාජීය ක්ෂේත්‍රවල වගකීම රජයට තියෙනවා. පාපන්දු තරගයකදී විනිසුරුට කාර්යභාරයක් තිබේ. නරඹන්නන් ගැටුණොත්? විනිසුරුවරයෙකුට වඩා විශාල කාර්යභාරයක් රජයට පැවරිලා තියෙනවා.
ප්‍රශ්නය:
ශ්‍රී ලංකාවේ පාඩු ලබන රාජ්‍ය ව්‍යවසායන් ගණනාවක් තිබෙනවා. ඇත්ත වශයෙන්ම, ඔවුන් සඳහා ගැනුම්කරුවන් සොයා ගැනීම දුෂ්කරයි. ශ්‍රී ලංකන් ගුවන් සේවය ඉන් එකක්. ඒවා දියුණු කිරීමට ඔබේ සැලසුම කුමක්ද?
කිසිදු තාර්කික ආයතනික සැලැස්මක් නොමැතිව පිහිටුවා ඇති සමහර රාජ්‍ය ආයතන තිබෙනවා. මත්තල ගුවන් තොටුපළ කිසිදු ව්‍යාපාර සැලැස්මක් සහ ශක්‍යතා අධ්‍යයනයකින් තොරව පිහිටුවා තිබෙන එකක්. අපි ඒවා ආර්ථික දෘෂ්ටිකෝණයෙන් විශ්ලේෂණය කළ යුතුයි. තවමත් අපේ ප්‍රධාන ප්‍රතිපත්තිය රාජ්‍ය ආයතන දියුණු කිරීම සහ ඒවා ආරක්ෂා කිරීම. රාජ්‍ය ආයතනවලට පමණක් ලාභය පමණක් ඉලක්ක කර ගනිමින් ආර්ථික, සමාජීය, දේශපාලනික සහ පාරිසරික යන අංශ කෙරෙහි අවධානය යොමු කරමින් ක්‍රියාත්මක වෙන්න පුළුවන්. රාජ්‍ය ආයතනවලට වෙළෙඳපොළ තුළ පරාමිතීන් සකස් කරන්න පුළුවන්. අද, මිනිසුන් උදාහරණයක් ලෙස MILCO නිෂ්පාදන සොයන්න. චක්‍රලේඛ නිකුත් කරලා වෙළෙඳපොළ බලවේග ජයගන්න බැහැ. මිනිසුන් මිල්කෝ නිෂ්පාදන සොයන්නේ ගුණාත්මක බව නිසා. MILCO සමාගමට වෙළඳපොලේ සම්පූර්ණ පාලනයක් නැහැ. වෙනත් වෙළඳපල තරගකරුවන් සිටීමේ හානියක් නැහැ.
අද බිත්තර සහල් වෙළෙඳපොළට මොකද වෙලා තියෙන්නේ? වෙළෙඳපොළ පාලනය කිරීමට රජය චක්‍රලේඛ නිකුත් කරනවා. පාරිභෝගික කටයුතු පිළිබඳ අධිකාරිය (CAA) වැටලීම් සිදුකරනවා එවැනි මිල ගණන් තීරණය කළ හැක්කේ වෙළෙඳපොළ බලවේගවලට පමණයි. මිනිසුන්ට වගකියන වෙළඳපොල යාන්ත්‍රණයක් සැමවිටම අවශ්‍ය වෙනවා.
එසේ වුවත්, අපි අපේ සාමාන්‍ය ප්‍රතිපත්තියෙන් බැහැරව තවදුරටත් සේවක අතිරික්තයක් ඇති සහ ආර්ථික වශයෙන් යෝග්‍ය නොවන රාජ්‍ය ආයතන පිළිබඳව නැවත සලකා බලනවා. කළ හැකි දේ පිළිබඳව අපි සවිස්තරාත්මක විශ්ලේෂණයක් කරනවා.
අනුර දිසානායක සහෝදරයා කෘෂිකර්ම ඇමැතිවරයාව සිටියදී මම ඔහුගේ නියෝජ්‍ය ඇමැතිවරයා. අපගේ විෂය පථයට අයත් සියලුම ආයතන මාස 14ක කාලයක් තුළ ලාභ ලබන තත්ත්වයට පත් කළා. කෙසේ වෙතත්, අපට ආයතනයක් පවත්වාගෙන යන ආකාරය රටේ ආර්ථිකය හැසිරවිය යුතු ආකාරය සමඟ සසඳන්න බෑ. වඩා හොඳ කළමනාකාරීත්වය, දූෂණය පිටුදැකීම සහ නිසි නායකත්වය මගින් දැනට ආර්ථික වශයෙන් යෝග්‍ය යැයි සැලකෙන සමහර රාජ්‍ය ආයතන නැවත පණ ගැන්විය හැකියි. එහෙත් ඒක ශ්‍රී ලංකන් ගුවන් සේවයට අදාළ වේ යැයි මම සිතන්නේ නෑ.
කුමන පක්ෂයක් බලයට පැමිණියත් එහි මූලික යථාර්ථයන් දෙකක් තිබෙනවා. එකක් ණය බර. අනෙක් කරුණ නම් ශ්‍රී ලංකාව දැන් බංකොලොත් රටක් බවට පත්වී තිබීමයි. මෙම අභියෝග දෙක සමඟ කටයුතු කිරීමට ඔබේ සැලසුම් මොනවාද?
දිගුකාලීනව ආර්ථික වර්ධනය සඳහා ඔබ ප්‍රකාශ කළ පරිදි අප මුහුණ දෙන අභියෝග මේවා තමයි. හෙට බලය ගත්තොත් ණය පියවන්න වෙනවා. අපි කටයුතු කළ යුතු අංශ පහක් හඳුනාගෙන තිබෙනවා.
- අපි G 20 වැනි සාපේක්ෂ වශයෙන් කුඩා, නැගී එන රටවලින් කුඩා බාහිර ණය ගැනීම් සඳහා සැලසුම් කිරීම
- අපගේ බාහිර ණය ගැනීම් පිළිබඳ ජාත්‍යන්තර විගණනයකට ගොස් අතීතයේ ඒවා සකස් කිරීමේදී සිදු වූ වංචා හඳුනා ගැනීම (ප්‍රගතිශීලී චින්තනයක් ඇති මහ බැංකු නිලධාරීන් විශ්වාස කරන්නේ බාහිර ණය ගැනීම්වලින් තුනෙන් එකක් දූෂණ හා වංචා සමඟ සම්බන්ධ වී ඇති බවයි. එවැනි විගණනයකින් පසු අවම වශයෙන් ණයවලින් හතරෙන් එකක් ආරවුලක් ඇති බව මෙම නිලධාරීන් විශ්වාස කරයි. මෙය ඉක්වදෝරයේ සිදු කරන ලදී. ඒවා ජාත්‍යන්තර බේරුම්කරණයට යොමු කිරීමට ඔවුන්ට හැකි වුණා. ජාත්‍යන්තර විගණන කොමිසමක් හරහා මෙම ණය පියවීමේදී යම් සහනයක් සොයා ගත හැකි යැයි අපි බලාපොරොත්තු වෙනවා.)
- අපි ආනයනය ඉතිරි කර ගැනීම සඳහා දේශීය නිෂ්පාදන සොයා බැලීම (කෙටි කාලයක් තුළ මෙහි නිෂ්පාදනය කළ හැකි භාණ්ඩ අපි බලනවා. දැනට රටේ පවතින ධාරිතාවයෙන් නිෂ්පාදනය කළ හැකි එවැනි ද්‍රව්‍ය හඳුනාගැනීම සඳහා අපි කර්මාන්ත අංශය සමඟ සාකච්ඡා කර තිබෙනවා)
- අපේ විදේශගත ශ්‍රමිකයන් වෙත ළඟා වෙනවා. (මැයි 21 වනදා දක්වා ඔවුන් මසකට ඇමෙරිකානු ඩොලර් මිලියන 700ක ප්‍රේෂණ එවීමට පුරුදුව සිටියා. ඒ කියන්නේ ජාත්‍යන්තර මුල්‍ය අරමුදලෙන් (IMF) දෙන මුදලට සමාන මුදලක් මාස හතරකින් එව්වා. ජනතාවාදී, ප්‍රගතිශීලී රජයක් තිබේ නම්, අපට විදේශගත ශ්‍රමිකයන්ගෙන් විදේශ ප්‍රේෂණ සඳහා ආයාචනා කරන්න පුළුවන්- අවම වශයෙන් කලින් එවූ මුදල. IMF වැඩසටහනක් සඳහා හොඳම විකල්පය එයයි.
- IMF වැඩසටහනක් අපට යම් මුදලක් සහ ඇපයක් සහතික කරාවි. ඒක අපට විසඳුමක් නෙවෙයි.
