එල්විස් ප්‍රෙස්ලිගේ දුව ලීසා මිය යයි
““King of Rock ‘n’ Roll,” ලෙස හැඳින්වෙන එල්විස් ප්‍රෙස්ලි ගේ එකම දියණිය වන ගායිකා ලීසා මාරි ප්‍රෙස්ලි ලොස් ඇන්ජලීස් ප්‍රදේශයේ රෝහලක දී අභාවප්‍රාප්ත වූ බව වාර්තා වේ. මියයන විට ඇය 54 වෙනි වියේ පසුවිය.
TMZ වෙබ් අඩවියට අනුව, ලීසා මාරි ප්‍රෙස්ලි ලොස් ඇන්ජලීස් උප නගරයක් වන Calabasas හි ඇගේ නිවසේදී හෘදයාබාධයකට ලක් විය. පසුව ඇය රෝහලට රැගෙන ගොස් තිබේ.
එල්විස් ප්‍රෙස්ලි 1977 අගෝස්තු මාසයේදී මියයන විට වයස අවුරුදු 42 කි. ඔහු මිය යන්නේ ද හෘදයාබාධයකිනි.
ලීසා මාරි ප්‍රෙස්ලි 1968 පෙබරවාරි 1 වන දින ටෙනසිහි මෙම්ෆිස් හි උපත ලැබූ අතර නගරයේ ජනප්‍රිය සංචාරක ආකර්ෂණයක් වන ඇගේ පියාගේ ග්‍රේස්ලන්ඩ් මන්දිරයේ හිමිකාරිය බවට පත්විය. එහිදී එල්විස් මිය යන විට ඇයගේ වයස අවුරුදු නවයකි.
ඇයගේම සංගීත දිවිය ආරම්භ වූයේ 2003 පළමු ඇල්බමය වන “To Whom It May Concern” සමඟිනි.
ඇය හතර වතාවක් විවාහ වූවාය. ඇය 1994 දී පොප් ගායක මයිකල් ජැක්සන් සමඟ විවාහ වූයේ ඇගේ පළමු සැමියා වූ සංගීතඥ ඩැනී කීෆ්ගෙන් දික්කසාද වී දින 20 කට පසුවය. ජැක්සන් ළමා අපචාර චෝදනා සමඟ පොරබදමින් සිටි නිසා යුවළ 1996 දී දික්කසාද විය.
ප්‍රෙස්ලි 2002 දී ඇගේ පියාගේ රසිකයෙකු වූ නළු නිකොලස් කේජ් සමඟ විවාහ විය. මාස හතරකට පසු කේජ් දික්කසාද වීමට ගොනු කළේය.
ඇයගේ සිව්වන විවාහය වූයේ ඇගේ ගිටාර් වාදකයෙකු සහ සංගීත නිෂ්පාදක මයිකල් ලොක්වුඩ් සමඟයි. ඔවුන්ගේ විවාහය 2021 දී අවසන් විය.
ඇයගේ එකම පුත්, සංගීතඥ බෙන්ජමින් කීෆ්,, 2020 දී වයස අවුරුදු 27 ක් වද්දී මිය ගිය අතර, ලොස් ඇන්ජලීස් ප්‍රාන්ත හදිසි මරණ පරීක්ෂක විසින් එය සියදිවි නසාගැනීමක් බවට සනාථ කළේය. නිළියක වන 33 හැවිරිදි Riley Keough දියණිය සහ 14 හැවිරිදි නිවුන් දියණියන් වන Harper සහ Finley Lockwood සමගින් ලීසා ජීවත් විය.
