පහසු ඇඳුමකින් පාසල් පැමිණි ගුරුවරියන්ට විනය පියවර!
ගුරුවරියන්ගේ ඇඳුම පිළිබඳව ගැටලුවක් පැනනැගී ඇති මොහොතක පසුගියදා ගුරුවරියන් පිරිසක් සාරිය ඔසරිය වෙනුවට වෙනත් ඇඳුම් වලින් සැරසී පාසල් පැමිණි පුවත් වාර්තා විය.
ඒ අනුව මෙසේ වෙනත් ඇඳුම් වලින් සැරසී පාසල් පැමිණි ගුරුවරියන් සම්බන්ධයෙන් විනය ක්‍රියාමාර්ග ගන්නා බව වැඩබලන කැබිනට් ප්‍රකාශක රාජ්‍ය ඇමති ශාන්ත බණ්ඩාර මහතා පවසා තිබේ.
ඔහු මේ බව කියා සිටියේ අද කැබිනට් මාධ්‍ය හමුවේදී මාධ්‍යවේදියකු කළ ප්‍රශ්න කිරීමකට ප්‍රතිචාර දක්වමිනි.
මේ අතර රාජ්‍ය පරිපාලන අමාත්‍යාංශය ලේකම් ප‍්‍රියන්ත මායාදුන්නෙ මහතා සඳහන් කරන්නේ රජයේ කාර්යාලවල සේවයට වාර්තා කිරීමේදී පහසු ඇඳුමකින් සේවයට පැමිණීමට අනුමැතිය දෙමින් නිකුත් කළ චක්‍රලේඛය පාසැල්වලට අදාළ නොවන බවයි.
පාසල් රාජ්‍ය කාර්යාල ලෙස සැළකිය නොහැකි බවත් ලේකම්වරයා පැවසීය.
